Orkumálastjóri

Joi Hauks
Posts: 151
Joined: 2016-12-25 18:Dec:th

Orkumálastjóri

Postby Joi Hauks » 2017-12-18 17:Dec:th

Sælir félagar

Hvað finnst mönnum um þessi skrif Orkumálastjóra ? Dæmi um mikla vanþekkingu.

Deilur um virkjanir en lognmolla um jeppana
Guðni A. Jóhannesson orkumálastjóri segir í jólapistli sínum á vef Orkustofnunar að flestar nýjar virkjanir og virkjanahugmyndir gangi í gegnum sterk skoðanaskipti og veki öldu mótmæla og blaðaskrifa. Þær virkjanir sem hinsvegar næstum algjör lognmolla ríki um séu dísilorkuver. Á hverjum degi og þó sérstaklega um helgar sé stöðugur straumur krafmikilla sérútbúinna jeppa, 300 til 400 kílóvatta dísilorkuvera á fjórum hjólum, inn á hálendið. Hver bíll ber með sér um 100 lítra af dísilolíu. 300 jeppar eru samtals 10 megavatta orkuver og með tankrými fyrir 30 rúmmetra af dísilolíu.
Glussa- og olíuleki á leið á hálendið
Um þetta hefur ekki verið fjallað í rammaáætlun, segir orkumálstjóri, og jepparnir eru ekki háðir umhverfismati. Bílunum er ekið undir miklu álagi, vélarnar eru farnar að gefa sig eins og sést þegar þeir ræskja sig út um púströrið á Miklubraut á leið út úr höfuðborginni. Sótmengunin frá þessum ökutækjum er tiltölulega mikil og því til viðbótar kemur vélarolía, bremsuglussi og gírolía sem lekur frá þeim á leiðinni um hálendið.
Engar áhyggjur af sjónmengun
Þessi dísilorkuver á hjólum eru svo skoluð reglulega, jafnt í jökulvatni sem ferskvatnsám. Guðni A. Jóhannesson orkumálastjóri segir að það sem veki mesta athygli sé að eigendur þessara færanlegu dísilvirkjana virðist ekki hafa neinar áhyggjur af þeirri sjónmengun, sem þessum virkjunum þeirra fylgi, heldur taki þeir stoltir myndir af þeim við helstu náttúruperlur Íslands og setji á samfélagsmiðla.

Kv
Jóhann Hauksson
Eyjafjarðardeild 4x4

jong
Posts: 122
Joined: 2016-12-09 08:Dec:th

Re: Orkumálastjóri

Postby jong » 2017-12-19 08:Dec:th

Svona til að safna saman bestu mótrökunum og ummælunum þar sem skrif orkumálastjóra voru beinlínis SÖLTUÐ á Facebook:
Jeppar eiga að mæta í skoðun árlega þar sem m.a. er athugað hvort þeir leki olíu. Einnig er sótmengun mæld.
300-400 KW er bull. Stærstu jeppar eru kannski það öflugir ef þeir eru keyrðir í hvínandi botni, en yfirleitt damla þeir á litlu afli.
Ef einhver telur sjónmengun af jeppa þá er nóg að bíða í 5-10 mínútur. Þá verður hann líklega farinn.


Return to “Klúbburinn”

Who is online

Users browsing this forum: Semrush [Bot] and 2 guests