Kvennaferð Ferðaklúbbsins 4x4 verður farin helgina 8.-10. mars 2019

fridrikh
Posts: 79
Joined: 2016-11-07 10:Nov:th

Kvennaferð Ferðaklúbbsins 4x4 verður farin helgina 8.-10. mars 2019

Postby fridrikh » 2019-02-09 14:Feb:th

Kvennaferð Ferðaklúbbsins 4x4 verður farin helgina 8.-10. mars 2019
Heildarfjöldi einstaklinga í ferðina er 50 manns. Þegar fjöldi þátttakenda nær 50, þá lenda konur sjálfkrafa á biðlista.
Markmið ferðarinnar er að fara í Setrið (http://www.f4x4.is/skalar/setrid/), hálendisskála Ferðaklúbbsins 4x4.
Lagt verður af stað á föstudegi í tveim hollum. Brottfarartímar verða auglýstir þegar nær dregur en reikna má með að fyrra holl leggi af stað um og uppúr hádegi á föstudegi og seinna holl sirka 4 sama dag, frá Orkunni á Vesturlandsvegi (https://www.orkan.is/Orkustodvar/stod?s ... landsvegur).
Ekki er búið að velja hvaða leið verður farin, en það má lesa um hefðbundar leiðir hér http://www.f4x4.is/skalar/setrid/leidir-ad-setrinu/.
Þessi ferð er hugsuð fyrir konur í ferðaklúbbnum 4x4 sem hafa áhuga á fjallaferðum að vetri til. Með í ferð verða reyndar fjallakonur frá klúbbnum sem munu leiðbeina þátttakendum og aðstoða eftir bestu getu. Þátttakendur bera sjálfir ábyrgð á sínum farartækjum. Þátttakendur verða skipaðir í hópa og yfir hverjum hópi verður reyndur hópstjóri. Þær sem óska sérstaklega að fá að vera í hóp með einhverri ákveðinni þurfa að taka það fram í skráningu. Við skráningu þarf að skrá reynslu bílstjóra og kóara.
Til að taka þátt í ferðinni verður að vera á breyttum jeppa. Til viðmiðunar, þá er hægt að nota eftirfarandi töflu miðað við þyngd jeppa
35" dekk, 1,5 -2 tonn
38" dekk, 2-3 tonn
44" dekk, 3-4 tonn
>44" fyrir þyngri jeppa
Þær sem eru í vafa um jeppa sína geta haft samband við okkur í Kvennanefndinni á félagskvöldum og opnum húsum hjá klúbbnum, á netfangið kvennanefnd@f4x4.is og/eða í gegnum Facebook.
Við lofum að sjálfsögðu súper skemmtilegri ferð með föstum liðum eins og sleðakeppni, kvöldvöku, frábærum bíltúrum, sameiginlegum mat á laugardagskvöldinu, límmiðum á bílana, kvennaferðarpeysum og fleiru skemmtilegu.
Kvennanefndin stendur fyrir skemmtilegum hittingum fyrir ferðina og það er um að gera að fylgjast með á FB í hópnum "Kvennaferð 4x4 2019" (https://www.facebook.com/groups/10150124097050241/) því þessir hittingar verða auglýstir þar og á "F4x4 spjallsíða" hópnum. Velkomið að henda inn myndum úr fyrri ferðum í þessa hópa. Um að gera að bæta í áhugasömum vinkonum í kvennaferðarhópinn sem gætu viljað splæsa í eins og einn jeppa og skella sér með :D Tja eða bara fá lánaðan jeppa hjá vini eins og gerst hefur :)
Svo að sjálfsögðu erum við allar rosa duglegar að taka myndir, bæði í undirbúningi og í ferðinni sjálfri. Deilum og notum myllumerkið #kvk4x4ferd2019
Skráning fer fram á síðunni:
https://docs.google.com/forms/d/e/1FAIp ... A/viewform

Return to “Klúbburinn”

Who is online

Users browsing this forum: No registered users and 5 guests