Bingóferð í Setrið 24 - 26 febrúar 2017

[cruser]

Veit að HEIMSGIR H/F lögðu af stað úr bænum um klukkan 19:00. Fékk smá video er þeir voru ný farnir frá Geysi núna um klukkan 21:00.
Marautt og smá rigning.
Stefnan tekin Kerlingarfjöll og svo inn í Setur. Eru á sex bílum.

Kv Bjarki
sem er sófariddari þessa helgina

[fridrikh]

Sælir
Flott Bjarki um að gera að senda okkur fréttir að gangi mála.
Leggjum í hann í fyrramálið.
kv
Friðrik

[jong]

Var í sambandi við Setrið á rás 58. Færið var ágætt í gærkvöldið en svolítið þungt nálægt Setrinu. Veðrið er fínt, smá skafrenningur en sæmilegt skyggni.

[jong]

Kallaði aftur upp á rás 58. Ekkert hefur enn fjölgað í setrinu síðan í gærkvöld en þá komu 7 bílar inneftir.
Það náðist talsamband við hóp sem var kringum 10 bílar sem var staddur við flugvöllin á Kerlingafjallavegi og voru að nálgast Blákvísl.

[Sveinbjorn]

Erum við þverfellið í góðum snjó og skemmtilegheitum.

[SBS]

Sæl/ir.

Ég hrindi í Rúnar kl. 13:00 sem staddur er í Kerlingarfjöllum. Var hann þá að koma þar úr kaffi. Varð hann að hætta símtalinu snögglega til að komast upp í Fordinn hjá Friðriki. Hífandi rok var í nótt svo Seturs-skálinn hristist og skalf. Ferðin sóttist vel úr skálanum og til Kerlingarfjalla en hún tók einn klukkutíma. Sæmileg færð en einstaka snjókistur á leiðinni. Hluti ferðamanna fór Sóleyjarhöfðavað og Kvíslárveituveg. Í Kerlingarfjöllum var sól og blíða og voru menn að leggja í hann til byggða.

Kv. SBS.

[Sveinbjorn]

Góðan daginn.

Samkvæmt heimildum eru allir Bingófararnir komnir til byggða. Sumir hlaðnir vinningum aðrir ekki. Verðlaun í þessari Bingóferð voru nú ekki af verri endanum en þeir sem gáfu vinninga voru: Terma ehf (Gummi Sig), Landsbankinn hf (Halldóra), Verkfærasalan (Einar Berg), Poulsen (Friðrik Hreinsson), Bílabúð Benna, Bílanaust, Kemi og Ferðaklúbburinn. Þökkum við vel öllum þeim sem styrktu okkur með líka þessum glæsilegu vinningum.
Að lokum vill Skemmtinefnd og Stjórn þakka öllum sem þátt tóku í þessari frábæru Bingóferð.

Kveðja fh. Stjórnar og Skemmtinefndar
Sveinbjörn

[fridrikh]

Sæl
Nú er þessi fína Bingóferð að baki. Vel undirbúin og skemmtileg í alla staði. Takk fyrir mig.

endurskoðuð pdf skrá skv ábendingu í síðari pósti
kv
Friðrik

[jong]

Hvers vegna í ÓSKÖPUNUM eru myndirnar ekki settar í myndaalbúm hérna á síðunni?
Þetta er annaðhvort sett inn á Fésbókina þar sem þetta hverfur eitthvað ofan í hrúguna eða hausinn bitinn af skömminni og sett inn í PDF!!
Ef myndir eru settar inn á myndaalbúm á klúbbsíðunni þá er auðvelt að finna þær og hægt með auðveldum hætti að setja á skyggnusýningu. Nokkuð sem er mikið gert á opnu húsi á miðvikudögum. Ef þetta er hins vegar á fésbókinni er ekki hægt að sýna myndirnar í fullum skjá og þá þarf líka að standa yfir tölvunni og fletta í gegnum myndirnar handvirkt.

[SBS]

Sæll Jón.

Það hefur engan tilgang að skammast yfir vefsíðunni. Af minni reynslu verður þér ekki svarað og menn falla í ónáð sem eru að bölsótast yfir vefnum. Ég hef ákveðið fyrir nokkru að eyða öllum mínum myndum af vefnum smámsaman og er það ekki lítið. Þar með fer öll mín saga um starf klúbbsins burtu. Á meðan menn setja myndir eingöngu á faceBook og eru að spjalla þar um málefni klúbbsins tek ég ekki þátt í neinu starfi á vegum F4x4.

Kv. SBS.