Októberferð Litlunefndar verður farin Laugardaginn 22. oktober 2022.
Á Laugardaginn 22. október kl 09:00 er mæting í Orkuna Vesturlandsvegi 110 rvk og þaðan ekið saman í röð á Hvolsvöll og hægt að tanka eldsneyti. Planið hjá okkur er að keyra upp Emstrur, Mælifellssand og að Strútsskála. Svo til baka í Hvanngil og Álftavatn, þaðan áfram og niður Keldur.
Þessi ferð er fyrir alla á minna breyttum bílum (miðað er við 35″ breytingu og minna) og þurfa að flokkast sem jeppar (með hátt og lágt drif). Dekk verða að vera í góðu standi annars getum við vísað frá. Ef þú/þið eruð í vafa er velkomið að heyra í einhverjum úr Liltunefnd og fá álit.
(Ekki er verra að vera félagsmaður, enda styður þú baráttu ferðafrelsis með því og þú færð góða afslætti sem má sjá á heimasíðunni) Skrá sig hér sem félagsmann.
Hópstjórar koma úr röðum félagsfólks klúbbsins sem munu leiðbeina þátttakendum og aðstoða eftir bestu getu. Þátttakendur bera sjálfir ábyrgð á sér og sínum farartækjum.
Þátttakendur nesta sig sjálfir. Gott er að hafa lyf eða það sem gæti verið mikilvægt.
Skráning hættir 20. okt kl 20:00
